Dette prosjektet vart skapt som mitt «drømmeprosjekt», altså eit opent prosjekt der eg fekk vele rammene. Eg er veldig glad i typografi og informasjonsgrafikk, så eg bestemte meg for å redesigne ein årsrapport for å kunne vise fram mine evnar innanfor begge retningane. Eg redesigna Statens pensjonskasse sin årsrapport for 2022, fordi eg meinte den kunne verte forbetra slik at den samsvarar med deira eksisterande visuelle identitet. Målet var å lage ein årsrapport baserte på den eksisterande grafiske profilen dei brukar på nett. Eg jobba hardt med bruk av luft, typografisk hierarki og bruk av fargar. Resultatet vart ein visuelt tiltalande, luftig, tydeleg og brukarvennleg årsrapport.

I dette prosjektet fekk me utdelt materiale frå boka «Åpen eller innadvendt: Omdømmebygging for organisasjoner». Her skulle me redesigne både innmaten og omslaget. Vår løysing er ein luftig og moderne fagbok med eit omslag som gjev assosiasjonar til bedriftskultur og byråkrati, som er dynamisk og levande, og som viser kontrastane mellom å vere open eller lukka. Innsida har eit tydeleg typografisk hierarki, basert på kontrasterande skriftar og ein harmonisk, blå fargepalett basert på omslagsdesignet.

I dette prosjektet skulle vi lage eit nytt veifinningssystem for et gitt område. Vår gruppe valde Mustad Næringspark. Me ønska å forbetre Mustad Næringspark si veifinning, der ein raud tråd i veifinningssystemet skulle vere Mustad-fabrikkanes historie. Den skulle vere uavhengig av andre eksisterande system i området. Vårt system omfattar alle bygg innanfor Mustad Næringspark, slik at området blir sett på som ein eining, og ikkje fleire separate einingar.